ინფორმაცია ვიცე-პრეზიდენტ ბაიდენისა და საქართველოს პრემიერ-მინისტრ გიორგი კვირიკაშვილის შეხვედრის შესახებ (26 აპრილი)

დღეს ვიცე-პრეზიდენტი საქართველოს პრემიერ-მინისტრ გიორგი კვირიკაშვილს შეხვდა. ვიცე-პრეზიდენტმა საქართველოს დამოუკიდებლობის 25 წლის განმავლობაში მიღწეული შთამბეჭდავი წინსვლა მიულოცა და აღნიშნა, რომ საქართველო რეგიონის ლიდერი გახდა. ვიცე-პრეზიდენტმა პრემიერ-მინისტრ კვირიკაშვილს განუხრელი თანამშრომლობისა და მხარდაჭერისათვის მადლობა გადაუხადა და საქართველოს სუვერენიტეტისა და ტერიტორიული მთლიანობის მიმართ აშშ-ის მტკიცე მხარდაჭერა დაადასტურა. ვიცე-პრეზიდენტმა კიდევ ერთხელ გაუსვა ხაზი, რომ აშშ მხარს უჭერს საქართველოს წინსვლას ევრო-ატლანტიკური ინტეგრაციის გზაზე და შენიშნა, რომ საქართველოს პოლიტიკური, ეკონომიკური და სამხედრო რეფორმების გაღრმავება ამ მისწრაფებათა ხორცშესხმის საუკეთესო გზაა. ლიდერებმა პირობა დადეს, რომ საქართველოს უსაფრთხოებისა და კეთილდღეობის გასამტკიცებლად თანამშრომლობას გააგრძელებენ.