აშშ-ის საელჩო საქართველო

აშშ-ის კომერციის მდივნის თანაშემწე თურქეთსა და სამხრეთ კავკასიას ეწვევა

აშშ-ის კომერციის მდივნის თანაშემწე თურქეთსა და სამხრეთ კავკასიას ეწვევა აშშ-ის კომერციული პარტნიორობისა და ამერიკული ბიზნეს ორგანიზაციების გლობალური კონკურენტუნარიანობის ხელშესაწყობად

ვაშინგტონი – 30 მარტიდან– 7 აპრილის ჩათვლით, არუნ ვენკატარამანი , აშშ-ის კომერციის მდივნის თანაშემწე გლობალური ბაზრების საკითხებში და ამერიკისა და  საგარეო ვაჭრობის ადმინისტრაციის გენერალური დირექტორი   თურქეთს, აზერბაიჯანს, საქართველოსა და სომხეთს ეწვევა, რათა ხელი შეუწყოს შეერთებულ შტატებსა და აღნიშნულ ქვეყნებს შორის,  კომერციის სფეროში მიმდინარე და ახალ  პარტნიორობას,  განსაკუთრებით ენერგეტიკის, ინფრასტრუქტურის, მიწოდების ჯაჭვის, ტელეკომუნიკაციებისა და ციფრული ეკონომიკის სფეროებში.  

მდივნის თანაშემწე ვენკატარამანი გამართავს ორმხრივ შეხვედრებს ხელისუფლების  მაღალი რანგის თანამდებობის პირებთან და სხვადასხვა ამერიკულ და ადგილობრივ კომპანიასთან, რათა შეიტყოს უფრო მეტი მათი ფუნქციონირების  შესახებ და  გაამახვილოს ყურადღება   კომერციული ჩართულობისა და პარტნიორობის მნიშვნელობაზე,  ასევე მოისმინოს ადგილობრივ ბიზნეს გარემოში მათი გამოცდილების შესახებ.   

სტამბოლში, თურქეთში, ვენკატარამანი მონაწილეობას მიიღებს რიგ შეხვედრებში ამერიკისა და თურქეთის ბიზნეს თემების წარმომადგენლებთან ერთად და გაეცნობა  სიახლეებს თურქეთის მიმართ  აშშ-ის კერძო სექტორის დახმარების შესახებ, თურქეთში ამერიკული სავაჭრო პალატის  მხარდაჭერას ქალთა ეკონომიკური და სამეწარმეო გაძლიერების მიმართ,  ქალთა მენტორობის პროგრამის მეშვეობით. იგი, აგრეთვე,  შეხვდება ბიზნეს კომპანიებს, რომლებიც დაინტერესებული არიან  შეერთებულ შტატებში საინვესტიციო შესაძლებლობებით.  

ბაქოში, აზერბაიჯანში, ვენკატარამანი შეხვდება მაღალი თანამდებობის პირებს, რომლებიც პასუხისმგებელნი არიან ქვეყნის განახლებადი ენერგიის ტრანსფორმაციაზე და მონაწილეობას მიიღებს აშშ-აზერბაიჯანის სუფთა და მწვანე ენერგიის ფორუმში, რომელიც ყურადღებას ამახვილებს  მწვანე ენერგეტიკის სტრატეგიებზე და რეგიონში არსებულ შესაძლებლობებზე , რაც უზარმაზარ შესაძლებლობებს სთავაზობს აშშ-ის  განახლებადი ენერგიის კომპანიებს. 

თბილისში, საქართველოში, ვენკატარამანი შეხვდება ხელისუფლების მაღალი  თანამდებობის პირებს , რათა განიხილოს საქართველოს ეკონომიკური და ინფრასტრუქტურული გეგმები და  მიზნები. ის, ასევე, შეხვდება ბიზნეს ლიდერებს და სპეციალური ამერიკული ბიზნეს სტაჟირების პროგრამის (SABIT) კურსდამთავრებულებს, მათი გამოცდილების გასაცნობად და ამ  მნიშვნელოვანი პროგრამის გაძლიერებისთვის ახალი გზების განსახილველად. ვენტაკარამანი დაესწრება მიღებას ადგილობრივი ბიზნეს ორგანიზაციებისა  და ამერიკელი ინვესტორების მონაწილეობით , სადაც წარმოსთქვამს მისასალმებელ სიტვას და გამოაცხადებს კონკურსის  (SelectUSA Pitch Competition)-გამარჯვებულს. 

ვიზიტის დასასრულს , ერევანში, სომხეთში, ის შეხვდება პრემიერ მინისტრ ნიკოლ ფაშინიანს და იქნება მთავარი მომხსენებელი  აშშ-სომხეთის სტრატეგიულ დიალოგზე, რომლის დროსაც იგი ხაზს გაუსვამს შეერთებული შტატების ინტერესს კომერციული კავშირების გაღრმავებისა და ენერგეტიკის სექტორში ორ ქვეყანას შორის კომერციული პარტნიორობის ხელშეწყობის მიმართ.   

საერთაშორისო სავაჭრო ადმინისტრაციის შესახებ: 

აშშ-ის კომერციის დეპარტამენტის საერთაშორისო სავაჭრო ადმინისტრაცია (ITA) არის მთავარი რესურსი ამერიკული კომპანიებისთვის, რომლებიც წარმოდგენილი არიან გლობალურ ბაზარზე. ITA-ს ჰყავს 2200-ზე მეტი თანამშრომელი, რომლებიც ეხმარებიან აშშ-ის ექსპორტიორებს აშშ-ის  100-ზე მეტ ქალაქსა და 80-მდე  ბაზარზე მსოფლიოს მასშტაბით.  

ITA-ს შესახებ დამატებითი ინფორმაციისთვის ეწვიეთ www.trade.gov.