აშშ-ის საელჩო საქართველო

ელჩი დეგნანის კომენტარი მედიასთან „მტკიცე სული 2023" სადესანტო გადმოსხმისას

კითხვა ღონისძიების შესახებ

აშშ-ის ელჩი კელი დეგნანი: ვაზიანის აეროდრომზე ვესწრებით ყოველწლიურ სწავლება „მტკიცე სულს“ (Agile Spirit), რომელიც შეერთებულ შტატებთან პარტნიორობით საქართველოს მასპინძლობით იმართება. ღონისძიებაში მონაწილეობს 21 ქვეყნის 3000-ზე მეტი სამხედრო მოსამსახურე. დღეს აქ დესანტის გადმოსხმის სანახავად შევიკრიბეთ. ეს არის ერთობლივი წვრთნის შესანიშნავი შესაძლებლობა თავსებადობის, გამჭვირვალობისა და მომზადების გასაუმჯობესებლად, რაც ყოველწლიური სწავლებების ფარგლებში სულ უფრო გააძლიერებს ჩვენს სამხედრო თანამშრომლობას. ამაღელვებელია 180 ამერიკელი მედესანტეს ხილვა აშშ-ის 173-ე სადესანტო დანაყოფიდან. [ისინი] აქ იმყოფებიან ყოველწლიურ სწავლება „მტკიცე სულზე,“ რომელსაც საქართველო მასპინძლობს. ძალიან დიდი მადლობა საქართველოს თავდაცვის ძალებს ამ დიდი მხარდაჭერისთვის. მადლობა!