ელჩი კელი დეგნანის კომენტარი მედიასთან მე-10 მოწვევის პარლამენტის პირველ სესიაზე

კითხვა ღონისძიების შესახებ

ელჩი კელი დეგნანი: როგორც სახელმწიფო მდივან მაიკ პომპეოს ვიზიტისას აღვნიშნეთ, გვსურდა ყველა სათანადოდ არჩეული პარლამენტის წევრი დღევანდელ გახსნაზე გვეხილა, რათა მათ შესძლებოდათ ცვლილებებისთვის ბრძოლა პარლამენტის შიგნით და არა ქუჩაში. ძალიან მნიშვნელოვანი სამუშაო, რომელიც პარტიის ლიდერებმა ბოლო ექვსი კვირის განმავლობაში გასწიეს, მიზნად ისახავს საქართველოს საარჩევნო სისტემის გაუმჯობესებას იმ ქმედებების თავიდან ასაცილებლად, რომელიც მრავალი წლის განმავლობაში არჩევნების პრობლემა იყო. მათ ძალიან კარგი საქმე გააკეთეს და ეს ერთობლივად შეძლეს, მიუხედავად მათ შორის არსებული ძალიან მკაფიო განსხვავებებისა. სწორედ, ამის ხილვა გვსურს პარლამენტის შიგნითაც. მადლობა.