აშშ-ის საელჩო საქართველო

კითხვა ღონისძიების შესახებ 

ელჩი კელი დეგნანი: გამარჯობა, მოხარული ვარ, რომ ახალი წლის დასაწყისში აქ ვიმყოფები. ვფიქრობ, ყველამ ვიცით, რომ ჩვენს ქვეყნებს რთული წელი ელის წინ. ჩვენ მოუთმენლად ველით საქართველოსთან მჭირდო თანამშრომლობის გაგრძელებას – საქართველოს მთავრობასთან, სამოქალაქო საზოგადოებასთან, მედიასთან – ყველასთან, ვინც დაუღალავად შრომობს, რათა ქვეყანას ამ რთული წლის გადატანაში დაეხმაროს. გმადლობთ.

კითხვა: გაგრძელდება თუ არა მოლაპარაკებები (ქართულ ოცნებასა და ოპოზიციას შორის)? 

ელჩი კელი დეგნანი: ვფიქრობ, გუშინდელმა კენჭისყრამ ცოტათი მეტი დრო მისცა პარტიებს, რათა განსხვავებული შეხედულებები შეაჯერონ, თუ ამის გაკეთება შეუძლიათ. ვფიქრობ, საკითხის გადაჭრა შესაძლებელია, თუ პარტიები საქართველოს ინტერესს დააყენებენ წინა პლანზე. ქართველმა ხალხმა არაერთ გამოკითხვაში დაასახელა თემები რაც მათთვის მნიშვნელოვანია – სამუშაო ადგილები, მაღალი ფასები და სიღარიბე. NDI–ს ბოლო კვლევამაც აჩვენა, რომ ქართველების 75%-ზე მეტს სურს მათ მიერ არჩეული პარლამენტის წევრები პარლამენტში იხილოს, რათა მათ ზემოთ ხსენებულ საკითხებზე ერთობლივად იმუშაონ. ასე რომ, იმედი მაქვს, განსხვავებული შეხედულებების შესაჯერებლად სხვადასხვა საკითხის განხილვის დროს, პარტიები ამ ყველაფერს გაითვალისწინებენ    

კითხვა: როგორ ფიქრობთ, არსებობს შეთანხმების მიღწევის გზა? 

ელჩი კელი დეგნანი: გავიმეორებ, რომ თუ პარტიების ლიდერები ქვეყნის ინტერესს პირველ ადგილზე დააყენებენ, მოუსმინე საკუთარ ამომრჩევლებს, თუ რას ეუბნებიან ისინი მათთვის მნიშვნელოვანი საკითხების შესახებ – სამუშაო ადგილები, მაღალი ფასები, სიღარიბე და COVID– ის ეკონომიკური გავლენა – მაშინ, ვფიქრობ, ამ მწვავე საკითხების გადაჭრის აუცილებლობა ხელს შეუწყობს მხარეებს მიაღწიონ კომპრომისს, იპოვონ გამოსავალი, შევიდნენ პარლამენტში და დაიწყონ მუშაობა.

კითხვა: როდის გაიმართება შემდეგი მოლაპარაკება? 

ელჩი კელი დეგნანი: ეს პარტიის ლიდერებზეა დამოკიდებული. ჩვენ უბრალოდ აქ ვართ, რათა მათ შევუქმნათ ნეიტრალური სივრცე, რათა შეიკრიბონ და განიხილონ სხვადასხვა შესაძლებლობა. 

კითხვა: გაქვთ თუ არა ცალკეული შეხვედრები ოპოზიციურ პარტიებთან? 

ელჩ იკელი დეგნანი: ჩვენ ღია და ხელმისაწვდომი ვართ ყველა  პარტიის ლიდერისთვის, ასევე სამოქალაქო საზოგადოებისა და სხვა დაინტერესებული მხარეებისთვის, რომელთაც სურთ ამ სიტუაციის სწრაფად მოგვარება, რადგან COVID– ის შედეგად ჩვენს ქვეყნებს სერიოზული პრობლემები აქვს.

კითხვა: ერთ-ერთმა დეპუტატმა საჯაროდ გამოაცხადა ნიკა გვარამიას (მთვარი არხის გენერალური დირექტორის) პირადი ტელეფონის ნომერი მისი ნებართვის გარეშე, რა კომენტარს გააკეთებდით ამ საკითხზე? 

ელჩი კელი დეგნანი: ეს ჩემს ფუნქციაში არ შედის. დარწმუნებული ვარ, სათანადო პირები ამ კითხვას ჩემზე უკეთ უპასუხებენ.