აშშ-ის საელჩო საქართველო

სისხლის სამართლის გამოძიების საბაზისო კურსი

აშშ-ის საელჩო და ანტინარკოტიკული და სამართალდაცვითი პროგრამების საერთაშორისო ბიურო  (INL) განაგრძობს  შინაგან საქმეთა სამინისტროს განვითარების მხარდაჭერას სხვადასხვა ტრენინგების საშუალებით, რომლებიც მიზნად ისახავს მათი საგამოძიებო,  პატრულირების, ხელმძღვანელობისა თუ სხვა აუცილებელი საპოლიციო უნარების გაძლიერებას.

45 სამართალდამცავმა შსს–ს საგამოძიებო და სხვადასხვა დეპარტამენტებიდან გაიარა აღნიშნული  საბაზისო კურსი სისხლის სამართლის გამოძიების  შესახებ ამა წლის 5-16 დეკემბერს ბათუმსა და თბილისში. ტრენინგი ჩაატარეს ილინოისის შტატის პოლიციის (ISP) ინსტრუქტორებმა, რომლებმაც ინტერაქტიული და 

პრაქტიკული მეცადინეობების  საშუალებით მონაწილეებს გაუზიარეს ეფექტური საგამოძიებო მეთოდების  შესახებ, რომლებიც აუცილებელია ისეთი დანაშაულის გამოძიებისთვის, როგორიცაა მკვლელობა, ინტერნეტის საშუალებით ბავშვის წინააღმდეგ დანაშაული, ადამიანით ვაჭრობა და სხვა. 

აღნიშნული ტრენინგი განხორციელდა INL-სა და ISP-ს შორის ერთობლივი შეთანხმებისფარგლებში, რომლის მთავარი მიზანია მხარი დაუჭიროს საერთაშორისო სამართალდამცავ ორგანოებს, მართლმსაჯულების სექტორის რეფორმას და ანტიდანაშაულებრივ ძალისხმევას მთელ  მსოფლიოში.

INL გეგმავს ილინოისის შტატის პოლიციასთან პარტნიორობის გაგრძელებას მომავალ წელს, რათა უფრო მეტი, მრავალფეროვანი ტრენინგები შესთავაზოს ქართველ სამართალდამცავებს.