აშშ-ის ელჩი კელი დეგნანი

კელი დეგნანი არის სახელმწიფო დეპარტამენტის მრჩეველი-დესპანის რანგის კარიერული დიპლომატი, რომელიც თბილისში 2020 წლის 29 იანვარს ჩამოვიდა, რათა საქართველოში აშშ-ის სრულუფლებიან ელჩად იმსახუროს.

თითქმის ოცდაათწლიანი კარიერის განმავლობაში ელჩი დეგნანი ფოკუსირებული იყო პოლიტიკურ და სამხედრო-პოლიტიკურ საქმეებზე. იგი მსახურობდა აშშ-ის დიპლომატიური მისიის მოადგილედ და ელჩის მოვალეობის შემსრულებლად რომსა და პრისტინაში, ასევე, მსახურობდა აშშ-ის საელჩოებში ბოცვანაში, პაკისტანსა და თურქეთში.

ელჩი დეგნანი მუშაობდა პოლიტიკურ მრჩევლად ნატოში აშშ-ის წარმომადგენლობაში, უფროსი სამოქალაქო წარმომადგენლის პოზიციაზე ავღანეთში სალერნოს ბრიგადის საბრძოლო ჯგუფში, სადაც მიიღო სახელმწიფო მდივნის ჯილდო საექსპედიციო სამსახურისთვის – ერთ-ერთი მრავალჯილდოთაგანი მისი კარიერის განმავლობაში. ელჩი დეგნანი, ასევე, იყო აშშ-ის საზღვაო ძალების ევროპისა და აფრიკის სარდლობის ოთხვარსკვლავიანი მეთაურის პოლიტიკური მრჩეველი, ასევე, მუშაობდა პოლიტიკურ მრჩევლად ნატოში აშშ-ის წარმომადგენლობაში.

დედაქალაქ ვაშინგტონში ელჩი დეგნანი მსახურობდა აღმასრულებელი მდივნის მოადგილედ ჯონ კერის სახელმწიფო მდივნობისას. ასევე, მსახურობდა სახელმწიფო მდივან ოლბრაიტისა და მდივნის პოლიტიკურ საქმეთა სამი მოადგილის: მარკ ფროსმანის, უილიამ ბერნსისა და ნიკოლას ბერნსის სპეციალურ თანაშემწედ.

ელჩი დეგნანი კალიფორნიის შტატიდანაა. მას მიღებული აქვს ჟურნალისტიკის ბაკალავრის ხარისხი ნორსვესტერნის უნივერსიტეტის მედილის ჟურნალისტიკის სკოლაში და სამართლის ხარისხი სამხრეთ კალიფორნიის უნივერსიტეტის სამართლის ცენტრში. დიპლომატიური სამსახურის დაწყებამდე ელჩი დეგნანი მუშაობდა როგორც ჟურნალისტის, ასევე იურისტის რანგშიც. იგი მუშაობდა იურიდიულ მრჩევლად მიკრონეზიასა და პალაუში. ამავე დროს ელჩი დეგნანი თავისი იალქნიანი გემით წყნარ ოკეანეზე ნაოსნობდა. ელჩი დეგნანი საუბრობს იტალიურ და ფრანგულ ენებზე. სწავლობდა თურქულსა და ურდუს, ამჭამად ეუფლება ქართული ენის საწყის დონეს.