შეერთებული შტატების პრეზიდენტი

President Donald J. Trumpდონალდ ჯ. ტრამპი  სწორედაც, რომ  განსახიერებაა ამერიკული წარმატების ისტორიისა. იგი მთელი  ცხოვრება  ამკვიდრებდა უმაღლეს სტანდარტებს   ბიზნესსა და სამეწარმეო საქმიანობაში,  განსაკუთრებით,  მისთვის საინტერესო უძრავი ქონების, სპორტისა და გართობის სფეროებში. მსგავსადვე, მის მოსვლას პოლიტიკასა და საჯარო სამსახურში  მოჰყვა  საპრეზიდენტო გამარჯვება, სასწაულებრივად,  კანდიდატურის წამოყენების პირველსავე ჯერზე.

ვარტონის ფინანსური სკოლის დასრულების შემდგომ, ბატონი ტრამპი გაჰყვა მამის კვალს, რომელიც უძრავის ქონების დეველოპერი გახლდათ, და ჩაება უძრავი ქონების განვითარების სფეროში  ნიუ იორკში. ტრამპის ხელმოწერა მალევე გახდა სინონიმი, ჯერ  მანჰეტენზე, შემდგომ კი , მთელს მსოფლიოში, ყველაზე პრესტიჟული მისამართებისა.  როგორც შემდგარი მწერალი, ბატონი ტრამპი   14 ბესთსელერის ავტორია, ხოლო მისი პირველი წიგნი „გარიგების ხელოვნება“ /The Art of the Deal/ გარდა იმისა, რომ  წლის #1 წიგნია, ითვლება  ბიზნესის კლასიკურ ნაწარმოებად.

ბატონმა ტრამპმა თავისი კანდიდატურა წამოაყენა 2015 წლის 16 ივნისს, და მას შემდეგ რაც, 17-მა რესპუბლიკელმა პრეტენდენტმა შეწყვიტა კამპანია, მან განაცხადა თანხმობა გამხდარიყო  პრეზიდენტობის კანდიდატი  რესპუბლიკური პარტიიდან,  2016 წლის ივლისში.  ბატონმა ტრამპმა მოიგო არჩევნები 2016 წლის 8 ნოემბერს საარჩევნო კოლეგიაში ხმათა ყველაზე დიდი უმრავლესობით რესპუბლიკელთათვის ბოლო 28 წლის განმავლობაში. მან მოიპოვა გამარჯვება 2600-ზე მეტ ოლქში ქვეყნის მასშტაბით,  ყველაზე მეტ ოლქში პრეზიდენტ რეიგანის  შემდგომ (1984). ამასთან ერთად,  მან მიიღო 62 მილიონზე მეტი ამომრჩევლის ხმა, ხმათა ყველაზე   დიდი რაოდენობა, რაც  კი როდესმე რესპუბლიკური პარტიის რომელიმე კანდიდატს მიუღია. მან  მოიპოვა 306 ელექტორის ხმა-ყველაზე მეტი- ჯორჯ ჰ.ვ ბუშის  შემდგომ (1988). მილიონობით ამერიკელი ერთიანდებოდა მისი გზავნილის ირგვლივ -ხელახალი აღმშენებლობა და  არსებული მდგომარეობის შეცვლა-ეს იყო ნამდვილი ეროვნული გამარჯვება და ისტორიული მოძრაობა.

დონალდ ჯ.ტრამპი ატარებდა საარჩევნო  კამპანიას იმ ადგილებში, სადაც იცოდა რომ  რესპუბლიკელებს გამარჯვება უჭირდათ – ფლინტში,  მიჩიგანში, კლეველანდის მჭიდროდ დასახლებულ ნაწილში საკუთარი წესდების მქონე საჯარო სკოლებში და ფლორიდის ლათინურ ამერიკულ ეკლესიებში -რადგანაც მას სურდა თავისი  სათქმელი,  ეკონომიკური გაძლიერების შესახებ, მიეტანა ყველა ამერიკელამდე.   რესპუბლიკური პარტიის მილიონობით ახალმა მხარამჭერმა გამოხატა ნდობა ტრამპის მიმართ,  იმიტომ რომ იგი ყურადღებას ამახვილებდა კეთილდღეობის უზრუნველყოფაზე  უკეთესი სავაჭრო გარიგებების საშუალებით;  შედეგად კი  გაჩნდა გამარჯვების შანსი იმ ადგილებში, სადაც რესპუბლიკურმა პარტიამ ახალი მხარდამჭერები მოიპოვა. ნათელია,რომ პრეზიდენტ ტრამპის გამარჯვებამ ერთად მოუყარა თავი სხვადასხვა  წარმომავლობისა და მონაცემების  მქონე ამერიკელებს და იგი მზადაა  გაამართლოს  ერის მოლოდინი და გახადოს ქვეყნისათვის წარმატებული  ყოველი დღე მისი  თანამდებობაზე ყოფნისა.

პრეზიდენტი ტრამპი დაქორწინებულია მელანიაზე  12 წელია, მათ ჰყავთ ვაჟი, ბარონი. ამასთან , ბატონ ტრამპს ჰყავს ოთხი ზრდასრული შვილი , დონ ჯრ., ივანკა, ერიკი და ტიფანი , და რვა შვილიშვილი.

ბიოგრაფიის წყარო: whitehouse.gov