აშშ-ის სახელმწიფო მდივანი

Secretary of State Mike Pompeoმაიკ პომპეომ სახელმწიფო მდივნის ფიცი დადო 2018 წლის 26 აპრილს. ამ თანამდებობის დაკავებამდე ის მსახურობდა აშშ-ს დაზვერვის ცენტრალური სააგენტოს დირექტორად 2017 წლის იანვრიდან 2018 წლის აპრილამდე.

ტრამპის ადმინისტრაციაში მუშაობის დაწყებამდე პომპეო იყო კონგრესმენი კანზასის მე- 4 ოლქიდან, უფლებამოსილების მეოთხე ვადით. ის მსახურობდა წარმომადგენელთა პალატის სადაზვერვო კომიტეტში, აგრეთვე ენერგეტიკისა და კომერციის საკითხთა კომიტეტში და წარმომადგენელთა პალატის ბენღაზის მოვლენების შემსწავლელ სპეციალურ კომიტეტში .

კონგრესში მოღვაწეობის დაწყებამდე პომპეომ დააფუძნა კომპანია “თეიერ აეროსფეისი“ (Thayer Aerospace) და იკავებდა აღმასრულებელი დირექტორის პოსტს ათეულ წელზე მეტ ხანს. მოგვიანებით იგი გახდა ნავთობსარეწი აღჭურვილობის მწარმოებელი და ამავე სფეროში მომსახურების მომწოდებელი კომპანიის „სენთრი ინთერნეშენალ“-ის (Sentry International) პრეზიდენტი.

პომპეომ წარჩინებით დაამთავრა ამერიკის შეერთებული შტატების უესტ პოინტის (West point) სამხედრო აკადემია 1986 წელს და მსახურობდა კავალერიის ოფიცრად, ბერლინში, სადაც იგი პატრულირებდა „რკინის ფარდასთან“ ბერლინის კედლის დაცემამდე. პომპეო ასევე მსახურობდა ამერიკის შეერთებული შტატების შეიარაღებული ძალების ქვეითთა მეოთხე დივიზიის,მე-7 ჯავშანსატანკო კავალერიის მე-2 რაზმში.

აქტიური სამხედრო სამსახურის დასრულების შემდგომ პომპეომ სწავლა განაგრძო ჰარვარდის სამართლის სკოლაში და რედაქტორობდა /ჟურნალს/ „ჰარვარდის სამართლის მიმოხილვა“

მაიკ პომპეო დაიბადა 1963 წლის 30 დეკემბერს, ორანჯში, კალიფორნიაში. ის დაქორწინებულია სიუზან პომპეოზე და მათ ჰყავთ ერთი შვილი, ნიკი.