დღეს საქართველოს საგანგებო სიტუაციების მართვის სამსახურმა თავდაცვის საფრთხის შემცირების სააგენტოსაგან მიიღო პირველადი ტრანსპორტირებისა და მიწოდების სისტემები. ცერემონიას ესწრებოდნენ ელჩის მოადგილის მოვალეობის შემსრულებელი ქეთრინ შვაიცერი, აშშ-ის სამხედრო ატაშე პოლკოვნიკი სტეფანი ბეგლი და შინაგან საქმეთა მინისტრის მოადგილე იოსებ ჭელიძე.
აღჭურვილობის გადაცემის ოფიციალურ ცერემონიაზე ელჩის მოვალეობის შემსრულებელმა ქეთრინ შვაიცერმა სიმულირებული ვარჯიშის დროს თავად ნახა, თუ როგორ იყენებს საგანგებო სიტუაციების მართვის პერსონალი მიღებულ აღჭურვილობას. ამ ვარჯიშმა ასევე აჩვენა სწვალების და რეაგირების შესაძლებლობები. ამ ცერემონიაზე ნათლად გამოჩნდა თავდაცვის საფრთხის შემცირების სააგენტოსა და საქართველოს საგანგებო სიტუაციების მართვის სამსახურს შორის ხანგრძლივი თანამშრომლობის შედეგები და თავდაცვის საფრთხის შემცირების სააგენტოს მიერ გაწეული დახმარება, რომლის მიზანია, უზრუნველყოს საქართველოს მზადყოფნა, მოახდინოს სწრაფი რეაგირება ნებისმიერ ქიმიურ, ბიოლოგიურ, რადიოლოგიურ და ბირთვულ (CBRN) საფრთხეზე.